8M NI AMES NIN ESCLAVES; ANARCOFEMINISTAS SIEMPRE.

la colmena obrera en memoria de juan peiró miembro de la c.n.t.-a.i.t f. a.i.y de todos los asesinados por el fascismo españolista..8M NIN AMES NIN ESCLAVES: ANARCOFEMINISTES SIEMPRE Como cada 8 de marzu, dende la Confederación Nacional del Trabayu asitiamos incondicionalmente coles lluches anarcofeministes, que puxen pola emancipación de les muyeres y de tolos cuerpos, y pola abolición de toa forma de poder y autoridá. Como cada 8 de marzu, reivindicamos esta fecha como'l Día Internacional de la Muyer Trabayadora. De la mesma qu'asocede col Primeru de Mayu, histórica fecha internacional pa les clases trabayaores ya institucionalmente reconocida como “Día del Trabayu”, el 8 de Marzu foi convenientemente declaráu pola ONU “Día Internacional de la Muyer” en 1975. El réfugu de toa una memoria de llucha per parte de la institución ta siendo dafechu esitosu ya inclusive en dambes feches, consiguióse banalizar la fuelga y balerala de significáu. Según el Primeru de Mayu foi convertíu nun día festivu y primaveral, tamién el 8 de Marzu va en camín de tresformase en fecha de celebración y de reconocencia de les lóxiques institucionales y xerárques que nosotres refugamos. Y aquello nun ye más qu'una evidencia bultable de cómo'l poder y les instituciones estatales absuerben les lluches revolucionaries pa utilizales a la so conveniencia y desarticulales. Cómplices d'ello son organizaciones que se dicen obreristes y sindicalistes, así como feministes, pero nun son otra cosa qu'organismos subvencionaos que respuenden a los intereses del Estáu capitalista y patriarcal. Nosotres, dende la CNT-AIT, oponémonos de manera frontera a aquellos feminismos que les sos reivindicaciones interclasistes pasen por reconocer les xerarquíes que nos imponen los estaos, el capital y el patriarcáu. Oponémonos a les organizaciones que, lloñe de destruyir el conxuntu de les estructures de poder que primen a los seres humanos, lluchen por que les muyeres y les disidencies puedan ser tan poderoses como siempre lo fueron los homes. Les muyeres somos un colectivu diversu y complexu y vémonos travesaes non yá poles xerarquíes clasistes, sinón tamién poles raciales y coloniales, así como por otres diferencies estructurales de poder, violencies que nos asitien entá más nos marxes d'esti sistema. Un sistema deshumanizante que nos precariza, nos invisibiliza, que penaliza les nueses esperiencies de vida, que nos marca y asitia siempre na otredá. Un sistema pal que siempre somos conquistables, materia primo, oxetos d'estudiu, adoración ya investigación. Tamos desbordaes, pero somos suxetos de la nuesa hestoria, de les nueses reivindicaciones, de los nuesos derechos. Somosfuertes y valientes, heredemos miles d´opresiones, la nuesa piel ye resistente, el nuesu calter arguyosu, la nuesa voz rabioso y potente. Volvímonos resilientes. Tien de falase de feminismu anticapitalista, antirracista y anticapacitista pa incluyir a toles renegaes. Les flores que crecen nel cementu del eternu estigma. Tien de falase, amás y a la par, de transfeminismos,siendo conscientes de que les sinergies son necesaries pa incluyir a tolos cuerpos ciños dientro d'una llucha feminista autónoma y anticapitalista. Equí tamos toes y toos contra'l patriarcáu, contra la esclusión binarista de cualquier dicotomía. Contra toles xerarquíes. Sicasí, queremos facer alcordanza de que les idees nun tendríen de ser mera utopía: primero debemos deconstruinos frente a la educación patriarcal, desaprender la programación binarista, los capacitismos, los cuerdismos, l'actitú, infantilizada ya infantilizadora, condescendiente y paternalista a la que cualesquier fuimos sometíes. Nun nos basten les bones intenciones, queremos ser autocrítiques, queremos llantar la dulda. Ensin asunciones superflues, recreando'l mundu con relaciones horizontales ya igualitaries, llibres d'autoritarismos, basaes nel sofitu mutuu y na solidaridá. El sistema económicu global márcanos más cuanto mayor ye'l númberu d´opresiones que vivimos y compartimos. Queremos cuestionar los derechos “per se” de tolo establecío, queremos cuestionar y parar l´hostigamientu, l'acosu mediáticu, el policial. Creemos que ye dende la conocencia y una ética coherente, antiautoritaria, anarco comunista, que ruempa col individualismu, dende onde necesariamente deben xenerase los cambeos. Esti 8 de marzu de 2022 vese trevesáu, amás, por una situación internacional convulsa: la guerra que se ta desamarrando n'Ucrania. Una guerra parida poles enganíes espansionistes de los Estaos y Naciones capitalistes y patriarcales que nun nagüen por otra cosa que l'acumuladura, a mariña del réfugu y la devastación de territorios y comunidaes enteres. Por, aprovechamos esti espaciu pa asitianos, dendel´anarcofeminismu, en contra de la guerra y de les lóxiques militaristes y violentes que nacen nel senu de los Estaos y de los sos discursos patrióticos. Ye de sobra sabíu'l calter patriarcal de les guerres y los conflictos armaos, tantu polos roles a los que les muyeres son sometíes, como pola instrumentalización, cosificación y tresformamientu de los sos cuerpos en ferramientes pa afarar al enemigu. Numberosos discursos enarboliaos dende feminismos institucionales fantasien güei con una realidá distinta na que nun esistiríen guerres si fueren les muyeres quien tuvieren al mandu de los gobiernos y nos órganos de decisión. Apelar a un supuestu calter naturalmente conciliador, pacíficu y solidariu de les muyeres y, dende ende,reclámase que nós tengamos la mesma posibilidá que los homes d'algamar puestos de poder. Que tengamos el mesmu accesu a la dirección d'empreses y a instituciones estatales, que cada vez síamos más muyeres ente los cuerpos policial y militar. Nós, les feministes anarquistes, refugamos aquello. Nun consideramos que síamos bones y conciliadores por naturaleza. Nun consideramos que'l nuesu accesu a los parlamentos, a les empreses, a los exércitos y a los cuerpos policiales, vaiga a dinamitar les estructures de poder. Ello ye que namás que vamos reforzar, como asina asocedió cola incorporación de les muyeres al sufraxu y al trabayu remunerau. Refugamos y asitiamos frontalmente en contra de los discursos feministes que fantasien colos fetiches del poder. Les guerres, el réfugu, la devastación, la miseria,la esplotación, les desigualdaes, les cárceles y les xerarquíes van siguir esistiendo, anque sían les muyeres o cualquier suxetu primíu quien tean nel poder. Porque'l problema ye esi: el poder. Y d´él nun esperamos más que la so abolición. Pa nós el 8 de Marzu nun ye una fecha de celebración. Nun ye una fecha de regalanos flores, de festexanos y de felicitanos pol simple fechu de ser muyeres. Ye una fecha de llucha, de memoria, de reflexón, de tensionar les cuerdes, de socavar estructures podres, de reafitanos nos nuesos principios antiautoritarios. Y non namás nesti día señaláu, sinón mientres toes nueses vides. Nun buscamos reinventar nin ameyorar la vieya y ferruñosa estructura xerárquica sobre la qu'históricamente s'asitia la nuesa sociedá. Nosotres nun queremos anidiar les cadenes que nos apoderen, queremos destruyir eses cadenes. Y sobre les sos cenices, queremos construyir un mundu llibre de poder,de xerarquíes, de miseria. Un mundu que sía habitable para nosotres y pa tolos seres qu'habiten el planeta. Nesa xera trabayosa entamamos. Como diz l'anarquista María Galindo: “con una mano sostenemos les urxencies, cola otra suxetamos les utopíes”. 8 de Marzu: Día Internacional de la Muyer Trabayadora. Contra l'Estáu, contra'l capital y contra el patriarcáu. Contra la miseria y la xerarquía. Contra los exércitos, contra les policíes. Contra les lóxiques militaristesde les patries y les naciones. Nin ames nin esclaves: Anarcofeministas siempre, pola emancipación de tolos cuerpos.